ҚР ОСК мүшесі Бақыт Мелдешов ҚР Бас прокуратурасының жанындағы Құқық қорғау органдарының академиясында дәріс оқыды

2018 жылғы 22 қарашада Қазақстан Республикасы Орталық сайлау комиссиясының мүшесі Б.С.Мелдешов Қазақстан Республикасы Бас прокуратурасының жанындағы Құқық қорғау органдарының академиясында «Қазақстан Республикасы сайлау жүйесінің сайлау заңнамасына жаңа енгізілімдердің аясында дамуы» тақырыбында дәріс оқыды.

Ортсайлаукомның Құқық қорғау органдарының академиясымен өзара іс-қимыл аясында ұйымдастырылған дәріс республиканың прокуратура органдары қызметкерлерінің біліктілігін арттыру курстарының прокурордың қоғамдық мүдделерді қорғау саласындағы қадағалау қызметін жетілдіру тақырыбындағы бағдарламасына енгізілді.

Дәріс барысында Қазақстан Республикасының сайлау заңнамасының новеллалары талқыланды, атап айтқанда, пропорционалды сайлау жүйесінің негізінде жергілікті мемлекеттік өкілді органдардың (мәслихаттардың) қалыптасуы, ІТ-технологияларды пайдалану негізінде сайлаушылар тізімдерін өзектендіру және нақтылау, сондай-ақ жекеленген құқықтық нормалар мен сайлау процесі институттарын жетілдіру туралы.

Сондай-ақ жергілікті атқарушы органдардың және сайлауды басқа ұйымдастырушылардың мүмкіндігі шектеулі азаматтардың сайлау құқықтарын іске асыруға және қамтамасыз етуге жауапкершілігі мәселелері де қаралды.

Курс тыңдаушылары – республиканың облыстық, қалалық және аудандық прокуратураларының, оның ішінде әскери және көлік прокуратурасының қазіргі қызметкерлері ұсынылған тақырыпты талқылауға белсенді қызығушылық танытты.

Дәріс соңында пікір алмасу болды.