Қазақстан Республикасының заңнамасына сәйкес 12 тамызда шет мемлекеттерден және халықаралық ұйымдардан келген байқаушыларды тіркеу аяқталды.
12 тамызда 23 сағат 45 минутта Орталық сайлау комиссиясының отырысы болды, онда Қазақстан Республикасы Сыртқы істер министрлігінің ұсынымы бойынша тағы 71 байқаушыны тіркеу туралы қаулы қабылданды.
Сонымен, Қазақстан Республикасы Парламенті Мәжілісінің депутаттарын кезектен тыс сайлауына тіркелген халықаралық байқаушылардың жалпы саны 1129 адамды құрайды.
Олардан: ЕҚЫҰ/ДИАҚБ Миссиясынан 460, ШЫҰ Миссиясынан 13 байқаушы, халықаралық ұйымдардың 71 өкілі және шет мемлекеттерден 137 байқаушы тіркелді.
Байқаушылар берген сауалнамалық деректерге сай, олардың барлығы еліміздің сайлау заңнамасы оларға қоятын талаптарға сәйкес келеді.

Қазақстан Республикасы
Орталық сайлау комиссиясының
баспасөз орталығы