Қазақстан Республикасы Орталық сайлау комиссиясы 2007 жылғы 14 шілдеде Жалпыұлттық социал-демократиялық партияның құрамында 80 адам бар партиялық тізімін тіркеді.
Қазіргі кезде Орталық сайлау комиссиясында Қазақстан Патриоттар партиясының, «Руханият» партиясының, Қазақстан Коммунистік Халық партиясының, Қазақстан социал-демократиялық «Ауыл» партиясының, Қазақстанның «Ақ жол» Демократиялық партиясының партиялық тізімдерін тіркеу үшін ұсынылған құжаттары қаралуда.
Күнтізбелік жоспарға сәйкес саяси партиялардың тізімдерін тіркеу 17 шілдеге дейін жалғасады.
Сондай-ақ Орталық сайлау комиссиясының отырысында сайлау учаскесін ашу туралы учаскелік сайлау комиссиясы хаттамасының нысаны, дауыс беруді бастау мен аяқтаудың өзге уақытын белгілеу туралы сайлау комиссиясы шешімінің нысаны, дауыс беру кез келген уақыта аяқтаулы мүмкін сайлау комиссияларының тізбесін бекіту туралы сайлау комиссиясы шешімінің нысаны.
«2007 жылғы 18 тамызға тағайындалған Республикасы Парламенті Мәжілісі депутаттарын кезектен тыс сайлауда және мәслихаттар депутаттарын кезекті сайлауында дауыс беруді ұйымдастырудың кейбір мәселелері туралы» Орталық сайлау комиссиясының қаулысымен алдағы сайлауда сайлау бюллетеньдері сайлаушылар тізімдерінің негізінде, сайлаушыны куәландыратын мынадай құжаттарды:
- жеке куәлікті;
- Қазақстан Республикасы азаматының уақытша жеке куәлігін және паспортын;
- сондай-ақ шақыру бойынша әскери қызметтен өтіп жатқан әскери қызметшілер үшін әсери билетті ұсынған жағдайда берілетін болады.
Орталық сайлау комиссиясының отырысы аяқталғаннан кейін дәстүрлі брифинг өтті, оның шеңберінде Орталық сайлау комиссиясының төрағасы бұқаралық ақпарат құралдарының өкілдерін Қазақстан Республикасы мәслихаттар депутаттығына кандидаттарды ұсыну және тіркеу барысымен таныстырды.
Орталық сайлау комиссиясына түсіп отырған деректерге сәйкес 2007 жылғы 13 шілдедегі жағдай бойынша мәслихаттар депутаттығына 4416 кандидат ұсынылды.
Олардың ішінен: 2600 кандидатты «Нұр Отан» Халықтық Демократиялық партиясы, 35 кандидатты Қазақстан Коммунистік Халық партиясы, 3 кандидатты Қазақстан Коммунистік партиясы, 99 кандидатты Қазақстан социал-демократиялық «Ауыл» партиясы, 4 кандидатты Қазақстан Патриоттар партиясы, 6 кандидатты «Руханият» партиясы, 3 кандидатты Жалпыұлттық социал-демократиялық партиясы, 1 кандидат Қазақстанның «АҚ ЖОЛ» Демократиялық партиясы, 22 кандидатты қоғамдық бірлестіктер ұсынды және 1643 кандидат өзін өзі ұсыну тәртібімен ұсынды.
Облыстық мәслихаттарға 592 кандидат ұсынылды, оның ішінде: Астана қаласының мәслихатына -14 кандидат және Алматы қаласының мәслихатына 50 кандидат; аудандық мәслихаттарға – 3178 кандидат; қалалық мәслихаттарға – 646 кандидат ұсынылды.
Мәслихаттар депутаттығына ұсынылған 4416 кандидаттан 740 тіркелді.
Олардың ішінен облыстық мәслихаттар депутаттығына 119 кандидат; аудандық мәслихаттар депутаттығына 506 кандидат; қалалық мәслихаттар депутаттығына 115 кандидат ұсынылды.
Орталық сайлау комиссиясы төрағасының өкімімен азаматтар мен ұйымдардың өтініштерін қарау жөнінде консультативтік-кеңес тобы құрылды. Жұмыс тобының құрамына Орталық сайлау комиссиясының, мәдениет және ақпарат, туризм және спорт, әділет, қаржы министрліктерінің, сондай-ақ Бас прокуратураның өкілдері кірді.
Орталық сайлау комиссиясының жанында Ақпараттық дауларды қарау жөнінде қоғамдық кеңес құру бойынша жұмыс жүргізілуде, оның құрамына саяси партиялардың, бұқаралық ақпарат құралдарының және мүдделі мемлекеттік органдардың өкілдері кіреді.
Кеңестің негізгі міндеттері:
1) сайлау процесінің барлық қатысушыларының бұқаралық ақпарат құралдарына тең қол жеткізуін қамтамасыз етуге және сайлау алдындағы компания барысының бұқаралық ақпарат құралдарында объективтік жариялауға жәрдемдесу;
2) БАҚ-тың және олардың қызметкерлерінің сайлау процесіне қатысушыларымен өзара қарым-қатынастарда мүдделері мен заңды құқықтарын қорғау;
3) бұқаралық ақпарат құралдарының қызметінде этикалық нысандар мен кәсіби қағидаттарды сақтауға жәрдемдесу, сайлау процесіне қатысушылардың және БАҚ-тың арасындағы дауларды және өзге де жағдайларды шешуге қатысу болып табылады.
Парламент Мәжілісі депутаттарының сайлауында партиялық тізімдер ұсынған саяси партиялардың платформалары мен ұстанымдарын жариялау шеңберінде тамыз айының онкүндігінде барлық партиялар өкілдерінің қатысуымен «Хабар» телеарнасында пікіржарыстар өткізу жоспарланып отыр.
Бұдан басқа, «Хабар» телеарнасы барлық партиялардың өкілдеріне өздерінің бағдарламарын жария ету үшін тең жағдайда эфир уақытын ұсынады.
«Егемен Қазақстан» және «Казахстанская правда» мемлекеттік газеттері тең жағдайда сайлауға қатысатын партия өкілдерінің сөз сөйлеуі үшін газеттерден орын береді.
Сондай-ақ, «31 канал» телеарнасы «Один к одному» апта сайынғы бағдарламаны жоспарлап отыр, ол жазба түрінде жексенбі сайын шығатын болады. Бағдарламаның мақсаты – партиялардың көшбасшыларына сайлау алдындағы кезеңде өздерінің платформаларын, Парламент пен мәслихаттардағы орындар үшін өздерінің күрестерінің мақсаты мен міндеттерін неғұрлым толық ашуға көмектесу болып табылады.
2007 жылғы 14 шілдеде жетекші ететін республикалық бұқаралық ақпарат құралдарының басшылары Қазақстан Республикасындағы 2007 жылғы сайлау кампаниясын жариялауда этикалық нормаларға бейілділігі туралы хартияға қол қойды. Бұл хартия бұқаралық ақпарат құраларының қазақстандықтарды сайлау процесі, сондай-ақ партиялар мен кандидаттар туралы барабар, толық әрі шынайы хабардар етуге бағытталған.
Орталық сайлау комиссиясы өз тарапынан осы Хартияға қол қоюды қолдайды және Қазақстанның бүкіл БАҚ-ты осы құжатқа қосылуға шақырады.

Қазақстан Республикасы
Орталық сайлау комиссиясының
баспасөз орталығы
тел. 75-21-32, 75-28-43, 75-28-44