А.ж. 6 маусымда Ортсайлауком республикалық қоғамдық бірлестіктердің байқаушылары үшін семинарлар-тренингтерді өткізді

Ағымдағы жылдың 6 маусымында Қазақстан Республикасы Орталық сайлау комиссиясының қызметкерлері және электораттық оқытудың сертификатталған жаттықтырушылары «Ақжол» демократиялық партиясы мен Қазақстан кәсіподақтары федерациясының 120 өкілі үшін дауыс беру күні сайлау учаскелерінде дауыс беру барысын қадағалайтын «Ақжол» партиясының өңірлік филиалдарының 50 өкілі БКБ-байланыс форматындағы іс-шаралармен қамтылған екі семинар-тренинг өткізді.

Іс-шаралар а. ж. 15 сәуірде ОСК хатшысы С.С. Мұстафина жариялаған Қазақстан Республикасы Президентінің кезектен тыс сайлауына қоғамдық бірлестіктер мен саяси партиялардың байқаушыларын оқытуға жәрдемдесу жөніндегі Орталық сайлау комиссиясының бастамасы шеңберінде республикалық қоғамдық бірлестіктердің өтініші бойынша ұйымдастырылды.

Семинар-тренингтерге қатысушылар ҚР сайлау заңнамасының негіздерімен, сайлау науқанының барысына қоғамдық бақылауды жүзеге асыратын байқаушылардың құқықтары және міндеттерімен, жұмыс тәртібімен танысты.

Жалпы, аудитория жеткілікті дайындалған -қатысушылар президенттік сайлауды ұйымдастыру мен өткізу ерекшелігі бойынша практикалық сипаттағы мәселелерге қызығушылық білдіріп, толық жауаптар алды.

Сондай-ақ семинарлар барысында сайлау учаскелерінде туындауы мүмкін тұспалас жағдайлар қаралды. Болашақ байқаушылар заңнамаға сәйкес олардың әрқайсысына ден қою жөнінде түсініктемелер алды.

Семинарлар Қазақстанның азаматтық қоғамы үшін тәуелсіз қоғамдық байқаушылардың жауапкершілігін, маңыздылығын және қажеттілігін жалпы түсінуге негізделген сындарлы өзара іс-қимыл ахуалында өтті.