2005 жылғы 7 желтоқсанда Орталық сайлау комиссиясы «Қазақстан Республикасындағы сайлау туралы» Қазақстан Республикасы Конституциялық заңының 12-бабының, 10) тармақшасына, 45-46-баптарына және 66-бабының 1-тармағына сәйкес Нұрсұлтан Әбішұлы Назарбаевты Қазақстан Республикасының Президенті ретінде тіркеді.
Орталық сайлау комиссиясы 2005 жылғы 6 желтоқсанда, «Қазақстан Республикасындағы сайлау туралы» Қазақстан Республикасы Конституциялық заңының 44, 65-баптарына және 12-бабының 10) тармақшасына сәйкес облыстық, Астана және Алматы қалалық сайлау комиссияларының хаттамалары негізінде анықтаған Қазақстан Республикасы Президенті сайлауы қортындыларына сәйкес, дауыс беруге қатысқан сайлаушылардың 91,15 % өз дауыстарын Нұрсұлтан Әбішұлы Назарбаевқа берген.
«Қазақастан Республикасының Президентін сайлау бойынша сайлау науқаны біздің еліміздің ЕҚЫҰ-ның Копенгаген құжатында бекітілген халықаралық стандарттарға мейлінше жақындатылған демократиялық институттарды және сайлау рәсімдерін дамытудағы жаңа қадам және жалпы жұрт мойындағандай, егемен Қазақстан тарихындағы ең жақсы сайлау болды. Сайлау науқанына қатысушылардың барлығына және шетелдік әріптестерге қатысты барынша ашықтық көрсетілді, Қазақстан Республикасы Президенттігіне кандидаттардың барлығы үшін тең жағдайлар қамтамасыз етілді, сайлаушылардың еркін түрде ерік білдіруі үшін барлық мүмкіндіктері болды»,- деп атап айтты Орталық сайлау комиссиясының Төрағасы Оңалсын Жұмабеков.