2019 жылғы 24 маусымға тағайындалған Шымкент қаласынан Қазақстан Республикасы Парламенті Сенатының депутатын сайлау бойынша дауыс берудің алдын ала қорытындылары туралы

Нұр-Сұлтан уақытымен сағат 10.50-дегі жағдай бойынша Шымкент қаласынан шығып қалған Қазақстан Республикасы Парламенті Сенатының депутатының орнына сайлаудың дауыс беру рәсімі және оның нәтижелерін санау рәсімдері аяқталды.

Дауыстарды алдын ала санау нәтижелерін Ортсайлаукомның сайтынан мына сілтеме арқылы көруге болады.

«Қазақстан Республикасындағы сайлау туралы» Қазақстан Республикасы Конституциялық заңының 78-бабы 2-тармағына сәйкес Шымкент қалалық аумақтық сайлау комиссиясының дауыстарды санау хаттамасы сайлау күнінен бастап екі күннен аспайтын мерзім ішінде Орталық сайлау комиссиясына жіберіледі.

Олардың негізінде Орталық сайлау комиссиясы сайлау қорытындыларын сайлау өткізілген күннен бастап жеті күн мерзімінен кешіктірмей шығарады (81-бап).