ҚР ОСК Төрағасының орынбасары К.В. Петров Қазақстан Республикасы Президентінің жанындағы Мемлекеттік басқару академиясында дәріс оқыды

2019 жылғы 9 қазанда Қазақстан Республикасы Орталық сайлау комиссиясы Төрағасының орынбасары Константин Викторович Петров Қазақстан Республикасы Президентінің жанындағы Мемлекеттік басқару академиясының Кәсіби даму институтында «Ақпараттық коммуникациялық технологияларды сайлау процесінде пайдаланудың негізгі бағыттары» тақырыбында дәріс оқыды.

Оқыту іс-шарасы «Мемлекеттік қызметкерлердің цифрлық құзыреттілігі» тақырыбындағы семинар аясында өткізілді. Семинарға басқару процесіне заманауи ақпараттық технологияларды енгізуді іске асыратын орталық және жергілікті мемлекеттік органдардың қызметкерлері қатысты.

Дәрісте азаматтардың сайлау процесіне деген сенім деңгейін жоғарылату мақсатында цифрлық технологияларды енгізудің, сондай-ақ сайлау құқықтарын іске асыруда халықаралық қағидаттар мен стандарттарды электрондық дауыс беру жүйесін пайдалану барысында сақтаудың рөлі мен маңыздылығын жеткізді.

Іс-шараның соңында пікір алмасу жүргізілді.