2020 жылғы 4 қазанда өтетін Қырғыз Республикасы Жогорку Кенеші депутаттарының сайлауына жіберілетін Қазақстан Республикасынан байқаушылардың тізімі бекітілді

2020 жылғы 30 қыркүйекте Орталық сайлау комиссиясының қаулысымен Қырғыз Республикасындағы сайлауды байқауға қатысатын Қазақстан Республикасынан байқаушылардың кандидатуралары бекітілді.

Қазақстан Республикасының 22 өкілі Жогорку Кенеш депутаттарының сайлауын байқауға қатысады, оның ішінде екеуі Қырғыз Республикасы Орталық сайлау комиссиясының шақыруымен, он тоғызы ТМД-дан байқаушылар миссиясының құрамында, ал біреуі ТМЫК Миссиясының құрамында.

ТМД-дан байқаушылар миссиясына мемлекеттік органдардың, аумақтық сайлау комиссияларының, сондай-ақ үкіметтік емес ұйымдардың өкілдері қатысады.

Қазақстан Республикасының өкілдері Бішкек қ., сондай-ақ Нарын, Талас, Шу облыстарында байқауды жүзеге асыруды жүргізетінін атап өткен жөн.

4 қазанда Қырғыз Республикасының Жогорку Кенешіне сайлау өтеді.

Жогорку Кенеш - 120 депутаттан тұратын Қырғызстанның бірпалаталы парламенті, мемлекеттің заң шығарушы органы. Жогорку Кенеш пропорционалды жүйе бойынша бес жыл мерзімге сайланады. Сайлау нәтижелері бойынша бір саяси партияға парламентте 65-тен аспайтын мандат берілуі мүмкін.