Қазақстанның жоғары оқу орындарының студенттері арасындағы

«Әлем мемлекеттерінің сайлау жүйелері» интернет-олимпиаданың

қорытындысы шығарылды

Ағымдағы жылдың 30 қыркүйегінде «Әлем мемлекеттерінің сайлау жүйелері» атты Қазақстанның жоғары оқу орындарының студенттері арасындағы интернет-олимпиаданың екінші кезеңі - «Үздік пікірсайысшы» байқауы өтті.

Олимпиаданың бірінші кезеңіне онлайн-тестілеу қорытындылары бойынша ең көп ұпай жинаған еліміздің 6 жоғары оқу орнынан 10 студент қатысты.

Екінші турда студенттер Ұлттық қазылар алқасының мүшелеріне бірегей мемлекеттегі қос палаталы парламент жұмысының артықшылықтары мен кемшіліктері, сайлау комиссияларын құру және сайлаушылар тізімдерін жасау қағидаттары, Интернет желісі және почта байланысын пайдалану арқылы дауыс беру сияқты өзекті мәселелер бойынша пікірталас жүргізу дағдыларын көрсетті.

Қазылар алқасы қатысушылардың сөз сөйлеуіндегі материалдың мазмұны мен ұсынылу нысанын сарапшылар мен психологтардың көмегімен әзірленген өлшемдерге сәйкес бағалады. Сонымен бірге жоғары интеллектуалдық әлеует, терең талдау дағдыларын меңгеру, сайлау тақырыптары бойынша сөздердің негізділігі және дәйектілігі атап көрсетілді.

Интернет-олимпиаданың екінші кезеңінің қорытындылары

Қазақстанның жоғары оқу орындары студенттері арасындағы «Әлем мемлекеттерінің сайлау жүйелері» интернет-олимпиадасының Ұлттық қазылар алқасының шешімімен:

- жеңімпаз болып БОРАНҒАЗЫ ӘЙГЕРІМ ЕРНАРҚЫЗЫ - Әл-Фараби атындағы Қазақ ұлттық университетінің студенті айқындалды (Алматы қ.);

- бірінші жүлдегер НҰРҒАЛИ ЖӘНІБЕК МЕШҚАТ-ШӘРІПҰЛЫ - Каспий қоғамдық университетінің студенті болды (Алматы қ.);

- екінші жүлдегер болып ЗАЕВА ӘСЕМ ҚАНАТҚЫЗЫ – М.С. Нәрікбаев атындағы КазГЮУ Университетінің студенті танылды (Нұр-сұлтан қ.).