ҚР ОСК мүшелері судьялар үшін сайлау заңнамасы бойынша онлайн-дәрістер өткізуде

2020 жылғы 11 қарашада Орталық сайлау комиссиясының мүшелері С.С. Сыдықов пен Е. С. Дауылбаев Қазақстан Республикасы Жоғарғы Соты Жанындағы Сот төрелігі Академиясы ұйымдастырған барлық деңгейдегі судьялардың біліктілігін арттыру курстарында онлайн-дәріс оқыды.

Оқыту іс-шаралары кезінде Қазақстан Республикасы Парламенті Мәжілісі мен мәслихаттары депутаттарының сайлауын ұйымдастыру мен өткізудің құқықтық негіздері, сайлауға қатысушылардың құқықтарын сот арқылы қорғаудың рөлі мен маңыздылығы тұрғысынан сайлау процесі субъектілерінің заңдық жауапкершілігінің түрлері қаралды.

Microsoft Teams оқыту платформасындағы интерактивті формат еліміздің барлық өңірлерінен 190-нан астам судьяға электораттық мәселелерді талқылауға қатысуға мүмкіндік берді.