ҚР ОСК өкілі В. А. Жексембекова Қазақстан Республикасы Жоғарғы Сотының жанындағы Сот төрелігі академиясында дәріс оқыды

2020 жылғы 11 қарашада Қазақстан Республикасы Орталық сайлау комиссиясы аппаратының бас консультанты, саясаттану ғылымдарының докторы, профессор В.А. Жексембекова Қазақстан Республикасы Жоғарғы Соты жанындағы Сот төрелігі академиясында қылмыстық істерді қарайтын облыстық және оларға теңестірілген соттар судьяларының біліктілігін арттыру курстарында "Соттар мен БАҚ-тың өзара іс-қимылы: жай-күйі мен перспективалары" тақырыбында онлайн-дәріс оқыды.

Онлайн-дәріс барысында сот органдарының бұқаралық ақпарат құралдарымен өзара іс-қимылының негізгі қағидаттары, БАҚ өкілдері үшін сот ақпаратының жариялылығы мен ашықтығын қамтамасыз ету, сот органдарының қызметін ақпараттық жария ету мәселелері қаралды.

Өткізілген оқыту іс-шарасының қорытындысы бойынша В.А. Жексембекова дәріс тақырыбы бойынша тыңдаушылардың сұрақтарына жауап берді.