ҚР ОСК аппаратының қызметкері Үндістанның Халықаралық Демократия және сайлауды басқару институтының (IIIDEM) оқыту курсына қатысты

2021 жылғы 26-30 шілде аралығында Орталық сайлау комиссиясы аппаратының электораттық оқытуды ұйымдастыру және талдау бөлімінің қызметкері Үндістанның Сайлау комиссиясы жанындағы Үнді Халықаралық демократия және сайлауды басқару институты (IIIDEM) ұйымдастырған бірқатар шет мемлекеттердің сайлау комиссияларының өкілдері үшін сайлауда ақпараттық технологияларды пайдалану бойынша оқыту онлайн-курсынан өтті.

Оқыту барысында сайлаушылар үшін интернет-платформалар мен цифрлық бағдарламаларды әзірлеу бойынша халықаралық тәжірибе қарастырылды, сонымен қатар мүмкіндігі шектеулі адамдарға арналған түрлі ақпараттық жүйелерді қолдану мәселелері көтерілді.

Бұл курстарға 19 елдің- Орталық, Шығыс, Оңтүстік Шығыс, Оңтүстік Азия, Океания, сондай-ақ Аустралия сайлау органдарының 20-дан астам өкілдері қатысты.