Қазақстанның сайлау комиссиялары A-WEB оқыту бағдарламасының екінші кезеңіне қатысты

2021 жылғы 18-27 тамыз аралығында республиканың сайлау саласының өкілдері Корея Республикасы Үкіметінің қолдауымен Дүниежүзілік сайлау органдары қауымдастығы
(A-WEB) ұйымдастырған «Сайлауды басқару әлеуетін арттыру: сайлаушыларға білім беруді күшейту» бағдарламасының оқуын онлайн форматта жалғастырды.

Бағдарлама сайлаушыларды оқыту бағдарламаларын жоспарлау мен іске асыруды дайындау, оқыту қызметінің үздік мысалдарын қарастыру, сайлаушыларды тиімді қамту және елдік контексті ескере отырып бағдарламаны құрастыруға бағытталған.

Онлайн курсқа бірқатар шет мемлекеттердің сайлау органдарының 25 өкілі қатысты. Қазақстандық команданы ҚР ОСК аппаратының электораттық оқытуды ұйымдастыру және талдау бөлімінің қызметкері, Атырау, Павлодар облыстары мен Нұр-Сұлтан қаласының аумақтық сайлау комиссияларының хатшылары таныстырды.

Оқыту бағдарламасының екі кезеңінің қорытындысы бойынша үздік 3 қатысушы, оның ішінде Қазақстан Республикасы командасының өкілі, ҚР ОСК аппаратының қызметкері Зулейха Марданова Оңтүстік Кореяда өтетін алдағы кеңейтілген оқыту бағдарламасына қатысуға шақырылды.