Қазақстанның жоғары оқу орындарының студенттері арасындағы «Әлем мемлекеттерінің сайлау жүйелері» интернет-олимпиадасының қорытындылары шығарылды

Ағымдағы жылдың 24 қыркүйегінде Орталық сайлау комиссиясы Қазақстан жоғары оқу орындарының қауымдастығымен бірлесіп, «Әлем мемлекеттерінің сайлау жүйелері» атты Қазақстанның жоғары оқу орындарының студенттері арасындағы интернет-олимпиаданың екінші кезеңі - «Үздік пікірсайысшы» байқауын өткізді.

Олимпиаданың бірінші кезеңінде онлайн-тестілеу қорытындылары бойынша ең көп ұпай жинаған еліміздің 7 университетінің 11 студенті қатысып, Ұлттық қазылар алқасы мүшелеріне азаматтардың сайлау құқықтарына және сайлау процесіне қатысты өзекті қоғамдық-саяси мәселелер бойынша пікірталас жүргізу дағдыларын көрсетті.

Ұлттық қазылар алқасы қатысушылардың сөз сөйлеуін кәсіби сарапшылар мен психологтардың көмегімен әзірленген өлшемдерге сәйкес бағалады. Сонымен бірге қазылар алқасының мүшелері студенттердің интеллектуалдық және сарапшылық әлеуетін, сөйлеген сөздерінің дәлелділігі мен қисындылығын атап көрсетті.

Интернет-олимпиаданың екінші кезеңінің қорытындылары

Қазақстанның жоғары оқу орындары студенттері арасындағы «Әлем мемлекеттерінің сайлау жүйелері» интернет-олимпиадасының Ұлттық қазылар алқасының шешімімен:

- жеңімпаз болып Дрепин Вадим – Қазақстан-Американдық еркін университетінің студенті (Шығыс Қазақстан облысы, Өскемен қ.);

- бірінші жүлдегер Надиров Эмин Вагидович – Caspian University студенті болды (Алматы қ.);

- екінші жүлдегер болып Зинелгаппарова Камиля Асылбековна –
Қ. Жұбанов атындағы Ақтөбе өңірлік университетінің студенті танылды (Ақтөбе облысы, Ақтөбе қ.).