Аумақтық сайлау комиссияларының мүшелеріне мүгедектігі бар адамдардың сайлау құқықтары мен қажеттіліктері мәселелері бойынша онлайн-тренинг өткізілді

2021 жылғы 1-4 қараша аралығында Қазақстан Республикасының Орталық сайлау комиссиясы «Шырақ» «Мүгедектігі бар әйелдер қауымдастығы» қоғамдық бірлестігімен бірлесіп облыстардың, Нұр-Сұлтан, Алматы, Шымкент қалаларының аумақтық сайлау комиссиялары мүшелерінің ішінен тренерлерді даярлау бойынша онлайн-тренинг өткізді.

Жоба шеңберінде ЕҚЫҰ-мен «2021 жылы адам құқықтарын ілгерілетуде, заңның үстемдігін нығайтуда және құқықтық базаны жетілдіруде Үкімет пен азаматтық қоғамға көмек көрсету» әріптестігінде өткізілген тренинг мүгедек адамдардың сайлау құқықтарын қамтамасыз ету мәселелеріне арналды.

Тренинг бағдарламасына енгізілген негізгі мәселелер мүмкіндіктері шектеулі адамдарға арналған шешімдерді ескере отырып, сайлау циклын ұйымдастырудың ерекшеліктеріне арналған.

Тренинг барысында интерактивті әдістер, ситуациялық есептерді шешудің практикалық нысандары қолданылды.

Өткізілген іс-шараның қорытындылары бойынша нәтижелі пікір алмасу, сондай-ақ қатысушыларға сертификаттар табыс етілді.