2022 жылғы 26 ақпанда Ортсайлауком Төрағасы Нұрлан Әбдіров Парламент Мәжілісінің депутаты Саясат Нұрбекке куәлік пен омырауға тағатын белгіні табыс етті

2022 жылғы 26 ақпанда Орталық сайлау комиссиясының Төрағасы Нұрлан Әбдіров «Қазақстан Республикасындағы сайлау туралы» Конституциялық заңның 46-бабының 2-тармағына сәйкес Парламент Мәжілісінің депутаты Саясат Нұрбекке куәлік пен омырауға тағатын белгіні табыс етті.

Тапсыру барысында ол Саясат Нұрбектің мемлекеттік басқару, білім беру және еліміздің қоғамдық саясаты саласындағы белсенді қызметін атап өтті.

Нұрлан Әбдіров «Қоғамның заманауи үрдістері мен сұраныстарына жауап беретін жинақталған өмірлік және кәсіби тәжірибеңіздің арқасында заң шығарушы биліктің жоғары өкілді органының тиімді қызметіне үлес қосатыныңызға үміттенемін» - деп атап өтті.

Сөзінің соңында ОСК Төрағасы Нұрбек Саясатқа депутаттық корпус құрамындағы жаңа жұмысына табыс тіледі.