8 қарашада Қазақстан Республикасының Орталық сайлау комиссиясы 

алдағы Президент сайлауы аясында ел өңірлерінің прокуратура және 

ішкі істер органдарының қызметкерлеріне арналған оқыту курсын 

өткізді.

2022 жылғы 8 қарашада Қазақстан Республикасының  Орталық сайлау комиссиясы Электоралдық оқыту орталығының юазасында республика өңірлерінен прокуратура және ішкі істер органдарының 301 қызметкерінің қатысуымен «Қазақстан Республикасындағы сайлау процесі: теория және практика» онлайн оқыту курсын өткізді. 

Оқыту курсы ел өңірлерінің прокуратура мен ішкі істер органдары қызметкерлерінің сайлау процесіндегі кәсіби құзыреттілік деңгейін арттыруға және олардың сайлау заңнамасының негіздері бойынша білімдерін кеңейту арқылы сайлау комиссияларымен өзара іс-қимылын түсіндіруге бағытталды. 

Семинарға қатысушыларға Орталық сайлау комиссиясы 2022 жылғы 20 қарашаға тағайындалған Қазақстан Республикасы Президентінің кезектен тыс сайлауының негізгі кезеңдері мен барысын, құқық қорғау органдарымен прокуратура органдарының сайлау процесінде заңдылықты қамтамасыз етудегі орны мен рөлін, сайлау заңнамасының бұзылғаны үшін құқықтық жауапкершілікті түсіндірді. 

Тындаушыларға Қазақстан Республикасы Бас прокуратурасы мен Ішкі істер министрлігінің спикерлері «Президент сайлауында сайлау процесіне қатысушылардың сайлау заңнамасын сақтауын қадағалауды жүзеге асыру туралы» және «2022 жылғы 20 қарашаға тағайындалған Қазақстан Республикасы Президентінің кезектен тыс сайлауында заңдылық пен құқықтық тәртіпті қамтамасыз ету, сайлау бюллетеньдерін күзету және жеткізу» тақырыбында дәрістер оқыды. 

Тәжірибелік бөлімде қатысушылар өткен сайлау науқанындағы құқық бұзушылықтарды талдады және сайлау процесіндегі  кәсіби құзыреттіліктерді ескере отырып, практикалық кейстерді шешті.