2023 жылғы 4 қаңтарда Қазақстан Республикасы

Орталық сайлау комиссиясының отырысы өтті

2023 жылғы 4 қаңтарда Нұрлан Әбдіровтің төрағалығымен Қазақстан Республикасы Орталық сайлау комиссиясының отырысы өтіп, келесі қаулы қабылданды: «Қазақстан Республикасы Парламенті Мәжілісінің депутаты Е.С. Бейсенбаевтың өкілеттігін тоқтатуға әкелетін негіздің туындағаны туралы».

Қазақстан Республикасы Конституциясының 52-бабына, «Қазақстан Республикасының Парламенті және оның депутаттарының мәртебесі туралы» 1995 жылғы 16 қазандағы Қазақстан Республикасы Конституциялық Заңының 24-бабы 3 және 8-тармақтарына сәйкес Қазақстан Республикасының Орталық сайлау комиссиясы қаулы етті:

1. Қазақстан Республикасы Парламенті Мәжілісінің депутаты Елнұр Сабыржанұлы Бейсенбаевты өтініш беруіне байланысты оның өкілеттігін мерзімінен бұрын тоқтатуға әкелетін негіз туындады деп белгіленсін.

2. Қазақстан Республикасы Парламенті Мәжілісінің депутаты Е.С. Бейсенбаевтың өкілеттігін мерзімінен бұрын тоқтату туралы ұсыным Қазақстан Республикасы Парламентінің Мәжілісіне енгізілсін.