Семинар аясында тыңдаушылардың бірінші тобы комиссия мүшелерін оқытудың нысандары мен әдістерін, атап айтқанда, жоспар-кесте құру, презентациялар жасау, әдістемелік оқыту портфелін, кейстер базасын, лекторлар пулын қалыптастыру мәселелерін қарады, дауыс беру күні кездесетін әртүрлі кейстерді модельдеу дағдыларын және т. б. пысықтады.

Екінші топ референдум кезеңінде бюджеттік өтінімдерді жасау, комиссия мүшелерінің еңбегіне ақы төлеуді жүзеге асыру, сондай-ақ бюджет қаражатының мақсатты пайдаланылуын бақылау бойынша шағын топтарда практикалық жұмыс жүргізді.

Сонымен қатар, көпшілік алдында сөз сөйлеуді дамыту, комиссия мүшелерінің референдумға қатысушылармен тиімді коммуникацияларын құру дағдылары пысықталды.

Семинар аясында комиссия мүшелерімен кіріс және қорытынды тестілеу өткізілді, бұл олардың құқықтық және практикалық білім деңгейлерін анықтауға мүмкіндік берді.

Семинар соңында тыңдаушыларға белгіленген үлгідегі сертификаттар берілді. Семинарға барлығы 77 адам қатысты.