| 02.12.2024 |
 |
ОСК мүшелері елорданың сайлау комиссияларының
қосымша сайлауға дайындығын тексерді
2024 жылғы 28 қарашада Қазақстан Республикасы Орталық сайлау комиссиясының хатшысы Шавхат Өтемісов 2024 жылғы 8 желтоқсанға тағайындалған мәслихаттардың шығып қалған депутаттарының орнына сайлауды дайындау және өткізу шеңберінде кәсіби тұрақты негізде өкілеттіктерін жүзеге асыратын Астана қ. аумақтық сайлау комиссияларының мүшелерімен кеңес өткізді. Кеңеске комиссия мүшелері Азамат Айманақұмов, Михаил Бортник, Ләззат Сүйіндік қатысты.
Ағымдағы сайлау науқаны, қосымша сайлауды өткізуге дайындық мәселелері талқыланды. Сайлау процесінің барлық кезеңдерінде жариялылық пен ашықтықты қамтамасыз етуге ерекше назар аударылды. Шавхат Өтемісов сайлау заңнамасының нормаларын қатаң сақтаудың, комиссиялардың барлық мүшелерін үздіксіз және сапалы оқытудың маңыздылығын атап өтті. Кеңес аумақтық сайлау комиссиялары мүшелерін сайлау заңнамасы мен сайлау рәсімдерін білуін бақылайтын тестілеумен аяқталды.
Ортсайлауком мүшелері 2024 жылғы 2 желтоқсанда елорданың әр ауданындағы аумақтық сайлау комиссияларына барып, дауыс беруге дайындық барысымен танысып, сайлау учаскелерін жарақтандыру және дауыс берушілер үшін қолайлы жағдайлар жасау және мүгедектігі бар адамдардың сайлау құқықтарын қамтамасыз ету мәселелеріне ерекше назар аударды.
- Абай облысы
- Ақмола облысы
- Ақтөбе облысы
- Алматы облысы
- Атырау облысы
- Батыс Қазақстан облысы
- Жамбыл облысы
- Жетісу облысы
- Қарағанды облысы
- Қостанай облысы
- Қызылорда облысы
- Маңғыстау облысы
- Павлодар облысы
- Солтүстік Қазақстан облысы
- Түркістан облысы
- Ұлытау облысы
- Шығыс Қазақстан облысы
