Отырысқа Еуропаның, Азияның, Американың және Африканың 22 елінен 100-ге жуық сайлау органдарының өкілдері, халықаралық ұйымдар мен сайлау мәселелері бойынша сарапшылар қатысты. Ақпарат алмасу, сайлау үдерістерін цифрландыру саласындағы тәжірибе және сайлауға сенімге нұқсан келтіруі мүмкін жалған ақпаратқа қарсы іс-шараларды әзірлеу іс-шараның мақсаты болды.

Кездесу келесі негізгі тақырыптарға арналды:

• сайлау үдерістерінде технологияларды пайдаланудан алынған сабақтар: сайлауды басқарудағы технологияларды енгізу, жетістіктер мен қиындықтар туралы пікір алмасу;

• жалған ақпараттың сайлауға деген сенімге әсері: жалған ақпараттың таралуының қоғамдық қабылдауға, сайлаушылардың мінез-құлқына және сайлауға деген сенімге әсерін зерделеу;

• ынтымақтастықтың болашақ бағыттары мен тәсілдері: жалған ақпаратқа төзімділікті арттыру және аймақтар мен секторлар арасындағы ынтымақтастықты арттыру жолдарын талқылау.

Конференция үш панельдік сессияда ұйымдастырылды. Бірінші сессия сайлау саласындағы технологияларды пайдалану және мұндай технологияларды болашақта сайлауда қолдану бойынша ұсынымдарға арналды. Екінші сессияда заманауи сайлау процесінде электрондық сервистердің өсіп келе жатқан рөлі қаралды. Үшінші сессия жалған ақпараттың өсіп келе жатқан қаупіне және оның сайлауға сенімге әсеріне арналды. Осы сессия шеңберінде Ерлан Қарабалаев «Сайлау жүйесін трансформациялау және жалған ақпаратқа қарсы іс-қимыл: Қазақстан кейсі» тақырыбында баяндама жасады. Ол өз баяндамасында 2022 жылғы конституциялық реформа контекстіндегі Қазақстанның жаңартылған сайлау жүйесінің ерекшеліктеріне, сондай-ақ сайлау кезеңдерін қоса алғанда, елдегі жалған ақпаратқа қарсы іс-қимыл тәжірибесіне тоқталды.

Қазақстан Республикасы Орталық сайлау комиссиясының делегациясы Грузияның Орталық сайлау комиссиясына өте мазмұнды конференцияға шақырғаны және оны ұйымдастырғаны үшін алғыс білдірді.

Конференция аясында Қазақстан Орталық сайлау комиссиясының делегациясы басқа елдердің сайлау органдарының өкілдерімен бірқатар кездесулер өткізді, онда екіжақты ынтымақтастықты дамыту мәселелері талқыланды.